الشيف حكيم عزب

من كفر قرع في الداخل، بدأ الشيف حكيم نواف عزب من سؤال بسيط: ليش الفاكهة تضل على طبق عادي تقليدي؟

الشيف حكيم مش بس بنسق الفاكهة، هو بعطيها حضور وذوق ورقي. بشغف ما إله حدود، وإيدين صقلتهم سنين، حوّل بوفيهات الفواكه من تقديم عادي لمشروع قائم بحاله، وصار أول من فتح هالباب بالعالم العربي. بالنسبة إله، النجاح هو إنك تترك أثر حلو وتتحدى نفسك بالابتكار المستمر.

شركة الشيف حكيم هي العائلة. الفريق اللي قائم على تنفيذ الفن المستمر هو عائلته: أبناؤه وأفراد أسرته، بيشتغلوا بروح وحدة، كل واحد فيهم قطعة بتكمّل التانية، متل قطع الليغو. من سنوات كانت رؤية الشيف حكيم تنمية عقلية الريادة والفكر الطموح في أبنائه، واليوم؟ شركة عائلية رائدة في مجالها، وحدودها السماء.